Fréttir

Í dag opnuðum við fyrir skráningu í Fjarðargönguna 2021. Fjarðargangan verður græn í þetta sinn, þátttökufjöldi miðast við hámark 300 manns og aðal atriðið er að koma, njóta, skora á sjálfan sig og hafa gaman!

Áfram var haldið í dag, laugardaginn 3.október. Borið á skúrana og net löguð í Bárubraut. Komið með efni í grunninn fyrir tímatökuhúsið og því komið á sinn stað!

Í byrjun september setti SÓ upp hjólaratleik. Þátttakan var ekki mikil að þessu sinni en nú höfum við dregið út einn heppinn.

Nú er búið að reisa bæði nýjan lyftuskúr og stangaskúr (geymslu). Húsin eru hvort um sig 14,8m2 og líta hrikalega vel út. Húsin hafa verið reist í sjálfboðavinnu og eru nánast fullfrágengin.

Nú er vinna komin á fullt við að reisa nýjan lyftuskúr, stangaskúr og tímatökuhús fyrir skíðagöngu. Framkvæmdir hófust í fyrra en þá var skipt um jarðveg fyrir lyftuskúr og stangaskúr en nú er allt komið á fullt og klárast vonandi framkvæmdir fyrir veturinn.

Skíðafélag Ólafsfjarðar setti upp ratleik í Bárubraut í byrjun ágúst. Nú hefur verið dregið úr þátttakendum og hljóta þau smá glaðning frá SÓ.

Nú eru haustæfingar að hefjast hjá krökkunum okkar. Þjálfari er Jónína Kristjánsdóttir.

Í dag vorum við með fyrsta vinnudaginn á skíðasvæðinu okkar. Ljóst er að vinnudagar verða nokkrir í haust þar sem mikið þarf að laga og einnig erum við að fara að reisa þrjá skúra.