Fréttir

Núna kl 10 er búið að troða 6km hring í Skeggjabrekkudal. Logn er á dalnum en nokkur gjóla undir Óskbrekkufjalli.

Í dag og næstu vikur verður skíðasvæðið í Tindaöxl lokað vegna hertra sóttvarnaraðgerða. Skíðagöngubraut verður klár um kl 10 á Skeggjabrekkudal. Veður er nú frábært, sól, -10° og nánast logn.

Þá er Covid skollið á okkur enn og aftur. Við bíðum átekta með að gefa út hver staðan er í raun hjá okkur og erum að leita upplýsinga.

Troðarinn bilaði hjá okkur síðastliðinn sunnudag og var von á varahlutum í dag, sem því miður komu ekki og eru víst ekkert á leiðinni.

Nú höfum við tekið á móti nýrri sendingu af snjó undanfarna þrjá sólahringa. Aðstæður líta hrikalega vel út en töluverð vinna er eftir til að koma Skíðasvæðinu okkar í gang. Við stefnum á að hafa það klárt um hádegi á morgun, sunnudag.

Nú höfum við tekið á móti nýrri sendingu af snjó undanfarna þrjá sólahringa. Aðstæður líta hrikalega vel út en töluverð vinna er eftir til að koma Skíðasvæðinu okkar í gang. Við stefnum á að hafa það klárt um hádegi á morgun, sunnudag.

Nú er keppni lokið á Bikarmótunum í Oddsskarði og Ísafirði. Keppendur okkar stóðu sig ljómandi vel en í Oddsskarði var keppt í stórsvigi en á Ísafirði í skíðagöngu með frjálsri aðferð.

Í dag er staðan þannig í snjóleysinu að Bárubraut er troðin 3,5km, braut er einnig í Skeggjabrekku 5km og skíðasvæðið í Tindaöxl er einungis opið fyrir æfingar SÓ.

Um helgina er SÓ með þátttakendur bæði í bikarmótum í alpagreinum og skíðagöngu. Bikarmót í alpagreinum er haldið í Oddsskarði en bikarmót í skíðagöngu á Ísafirði.

Frábært veður í firðinum í dag. Búið er að troða Bárubraut 3,5km hring en því miður eru aðstæður á "veginum" ekki góðar en annars er brautin bara nokkuð góð. Verið er að vinna við toglyftuna og óvíst að það klárist fyrir kl 16 í dag.